إعلانات ..

السلام عليكم 🙂

تمت إعادة رفع الحلقات من 1 إلى 9 من مسلسل هانا كيمي مشاهدة مباشرة

وتمت إعادة رفع بعض الروابط المحذوفة

* إعادة الرفع لن تكون سريعة بسبب عدم تفرغي حالياً

وتم رفع مسلسل سمايلينغ باستا تورنت هنا

التراكر يحتاج تسجيل + ياليت اللي محملها مباشر يساعد بالسيد 🙂

^_^

5 \11\2012   19\12\1433

………………………..

الحلقة 17 والأخيرة من سمايلينغ باستا نزلت تحميل مباشر

وأخيراً خلص هالمسلسل

أدري تأخرت عليكم فيها  😦

أنا كنت مخلصتها من زمان بس اللي أخرني هو الرفع

فأعتذر منكم مرة ثانية 🙂

ومشكووورين كل اللي شجعوني , ربي يخليكم ومشكوررين على دعمكم وصبركم ومتابعتكم  وردودكم الحلوة

11 \9\2012   24\10\1433

……………………………………………

الحلقة 16 نزلت تحميل مباشر

30 \8\2012  12\10\1433

……………………………….

الحلقة 14 مشاهدة مباشرة طلع فيها خلل بضطر إني أعيد رفعها من جديد 😦

صبركم 🙂

+

الحلقة 15 نزلت تحميل من زمان بس تعيجزت أحط إعلان

28\8\2012   10\10\1433

………………………………………..

السلام عليكم

عيدكم مبارك وكل عام وانتم بخير

تم إضافة الحلقتين 13 و 14  تحميل فقط حاليا

والمشاهدة المباشرة قريباً بإذن الله ^_^

تم رفع الحلقات 11 و12 و13 للمشاهدة المباشرة

استمتعوا

23\8\2012   5\10\1433

…………………………..

السلام عليكم 🙂

شلونكم وشخباركم

الحمد لله رجع النت وآنا الحين قاعدة أرفع الحلقة 11

بإذن الله إذا قدرت أخلص رفعها الليلة بحطها بكرة بعد ما أرجع من الجامعة إن شاء الله

والحلقة 12 خلصت بس باقي أراجعها وأنتجها وبرفعها يعني بالكثير بعد يومين

17\7\2012 27\8\1433

…………………………………………………………

السلام عليكم ورحمة الله

حابه أوضح بعض الأمور هنا

أول شيء غيابي وانقطاعي عن النت الفترة اللي راحت كان بسبب انقطاع النت عندي في البيت

ماكنت أقدر أدخل وأرد على تعليقاتكم ودخولي للنت كان عن طريق نت الجامعة فقط وهو يكون لدقائق معدودة فقط

ثاني شي حابه أوضحه مع إني قلته من قبل لكن يبدو أن الأغلب ماقراه أو ما انتبه له

خواتي أنا ماعندي إجازة مثلكم!

أنا عندي دراسة ومشغولة بها جداً ودوامي ملعوزني ومضغوطة غير الإختبارات اللي طلعت من حظي إن دكتور من دكاترتي موزع الإختبارات على كل إسبوع بدلاً من إختبار واحد ونخلص

يعني أنا أجي من الجامعة منهكة بعد دوام طويل أحتاج إني أرتاح أحتاج إني أذاكر وأجلس مع أهلي شوي وهم أترجم

فما أقدر أخلي وقتي كله مقتصر على الترجمة وبس

بالنسبة للحلقة 11 أنا خلصتها من فترة لكن ماأقدر أرفعها الحين لأن ماعندي نت

أنا أكلمكم من الجامعة ونت الجامعة ما أقدر عليه أحمل أو أرفع أو حتى أدخل بعض المواقع مثل اليوتيوب وغيرة!

أما الحلقة 12 فآنا الحين واصلة فيها للدقيقة 13 في الترجمة وللحق أنا مافتحتها أصلاً من 3 أيام لأن ماعندي وقت

على كلِ أول ماتعرف شركة الإتصالات الحلوة شنو المشكلة مع مودمها وترجع النت لنا برجع بإذن الله أرفع الحلقات وأتواصل معاكم مثل قبل

بالنسبة لقناة اليوتيوب

مثل ما انتو شايفين اليوتيوب حذفت القناة

والسبب والله أعلم إن في واحد كان يرد بردود مخزية أعوذ بالله فكنت أمسح ردوده لين تالي قمت وحظرته فراح ومشى على كل الفيديوهات اللي حظرته منها وبلغ عنها اليوتيوب

واليوتيوب ماصدقت خبر وحذفت الفيديوهات أول يوم بس

لكنه استمر وبهالحال فقامت وحذفت القناة

المختصر أنا الحين ما أقدر أسوي أي شي وآنا ماعندي نت

لكن إن شاء الله وبإذنه إن تعدلت الأوضاع بحاول أعيد رفعهم من جديد

بس حالياً مابيكون عندكم غير إنكم تحملون وبس

فصبركم علي ودعواتكم,

ولاتتضايقون لما ما أرد على تعليقاتكم , أنا ما أرد لأني أصلاً غالباً ما أدري عنها

ممكن يكون كلامي مب مرتب أو مترابط ما أدري 🙂

بس لأني جالسة أكتب بسرعة قبل لايرجع الدكتور ويكتشفني 😀

11\7\2012 22\8\1433

………………

السلام عليكم

نزلت الحلقة الثامنة ^^

المفروض الحلقة نازلة من يوم الثلاثاء اللي فات بس للأسف الهارد دسك اللي حاطه فيه كل شيء اخترب

ومسح كل شي 😦

مع اني كنت مخلصتها كاملة وماكان ناقصها غير اني انتجها وارفعها بس راحت واضطريت أعيد ترجمتها وتوقيتها من جد وجديد

وكنت مترجمة 16 دقيقة تقريباً من 9 وناوية إني أنزلها بنهاية هالإسبوع علشان تكون آخر حلقة أنزلها قبل الإختبارات

بس الله ما اراد , كل شي راح 😦 الحمد لله على كل حال

ممكن كل ذا مايهمكم بس اللي أبي أقوله لكم هو إن أنا كنت حاطه الحلقات الراو كلها في الهارد دسك وماصادف إلا الحلقة 8 اللي كنت مطلعتها على سطح المكتب لأني كنت بنتجها بس, والباقي راح مع اللي راح

والحين الراو منقرض تقريباً في النت , يعني أنا من أول وبالموت حصلت على الراو اللي عندي

والحين بعد ماراح الميقاآبلود ما أدري شلون , بس برجع أدور وإن شاء الله أحصل

إذا نهائياً ماحصلت ممكن أضطر أنتجها على الفيديو الإنجليزي 😦

طبعاً أنا ماراح أبدأ أدور الحلقات من جديد أو أترجم إلا بعد إختباراتي , لأن اختباراتي تبدأ الإسبوع الجاي فأبي أتفرغ لها

فيبي لكم تدبلون صبركم 🙂

صبروا لين تخلص إختباراتي وبعد ماتخلص إلى إن ألقى الراو 😀

13/05/2012 22\6\1433

……………………………………..

الحلقة الرابعة تم إصدارها 🙂

هذي إن شاء الله بتكون آخر حلقة أنزلها إلين أخلص إختباراتي

لأن عندي بحثين من 65 صفحة للحين مابعد أسوي شي فيهم وثلاث أعمال

غير الإختبارات 😦

فخلاص بحاول أتفرغ لدراستي لين أخلص الإختبارات يعني إلى بعد شهر من الآن

إن شاء الله أنجح في كل المواد:)

ألقاكم على خير بإذن الله الواحد الأحد

لاتنسوني من دعواتكم

20/03/2012 27\4\1433

…………………………………………………

نزلت الحلقة 17 😀

14/10/2011 16\11\1423

………………………………………………………..

أعتذر على التأخير ^^

أنا مشغولة شويتين مع الجامعة وصاير يومي كله يروح فيها

فمب لاقيه وقت كافي أني أفعد على النت وأترجم

ولذلك للحين مابعد أخلص ترجمة الحلقة أعتذر …

إن شاء الله أول ما أخلصها بتكون موجودة بإذن الله 🙂

04/10/2011 06\11\1423

……………………………………………..

التسجل مفتوح في تراكر مقهى الأمير

http://www.vb800.net/?p=signup&pid=16

فاللي يبي يسجل يروح يسجل ^^

01/10/2011 03\11\1423

………………………………

السلام عليكم ^^

الحلقة 15 نزلتها بس ملفات ترجمة لأن التراكر فيه تحديثات ما أقدر أرفع عليه الحين

إن شاء الله أول ماتخلص التحديثات أوفر الهارد سب ^^

_^

15/09/2011

……………………………………

السلام عليكم ^^

الحمد لله رب العالمين رجعت بالسلامة أول أمس في الليل ^^

وقعدت أمس على الحلقة وخلصت اللي باقي علي فيها ونزلتها اليوم

مشاهدة ممتعة ^^

11/09/2011

 …………………………………

السلام عليكم ^^

الغاليين أنا إن شاء الله مسافرة بعد بكرة وراجعة عند المدارس بإذن الله الواحد الأحد

فتنزيل الحلقات بيتوقف لين أرجع بإذن الله

دعواتكم ^^

11 سبتمبر, 2011

46 thoughts on “إعلانات ..

  1. ياليت لو تترجمي دراما تايوانيه …

    يكون تصنيفها دراما + رومانس ..

    مثل دراما رغبة الصيف .. ؟؟؟

    تقدري تترجميها .. أرجوكي ..

    إعجاب

  2. الحمدالله على سلامتك عزيزتي
    تعرفين اني امس رديت اشوف هانا كيمي هههههههههه احس ما امل من هالدرامااا

    ان شاء الله مشاهديتي للدراما بيض واسود بعد ما تنتهي منها باذن الله ^_^

    إعجاب

    • هلا بيج الغالية ^^
      الله يسلمج ويعافيج ^^
      حتى أنا للحين مب مطاوعني قلبي أحذفها من الكمبيوتر 😀
      للحين أرجع بين فترة وفترة أفتحها وأشوفها هههههه

      إن شاء الله , وإن شاء الله إذا شفتيه بيعجبج بإذن الله ^^

      إعجاب

  3. اهنيك ع الدراما بجد ،، دائما الدراما اذا صارت في شرطه ومنظمات وجواسيس يا الله تصير شي أدماااااااااااااان ق١

    يسعدك ربي خيتو

    إعجاب

  4. طيب تقدرين تضيفين مترجمة.. او تسوين فريق للترجمة عشان يساعدك

    يعني مكون من مترجمة وموقته وهذول اهم

    إعجاب

    • هم مب موجودين في الكمبيوتر وانحذفوا علشان أقدر أستعيدهم
      همو موجودين في الهارد دسك والهارد دسك طفى مرة وحدة مو راضي يشتغل
      فما أقدر أطلع شي منه 😦

      إعجاب

      • لو بس لو ما طفى كان قدرتي تستعيدي من الهارد دسك لاني سويتها مرة وضبطت معاي ورجعت
        ع العمووم ربــي يعووضك ع الملفات اللي رااحت
        وتلقين برامج احسن منها ومطورة اكتر كمان ^_^
        ويووفقك باختباراتك واختباراتي وكل اللي يختبرو
        وفالنا الـ/ فل مارك يااارب …

        Liked by 1 person

  5. اوووح ياما تخرب علي الهاردسكات وتروح اشيائي :”””””
    ان شاء الله انها خيييره (“:
    عالعموم الله يوفقك باختباراتك كلها وتجيبين ال A+
    ويعطيك العافية :*

    إعجاب

    • ياعمري مشكووورة والله مشكورة
      ماقصرتي فكيتي أزمتي الله يفك أزماتج ^^
      جد جد ماتصدقين شقد فرحت لما شفتهم
      الله يعطيج ألف ألف عافية 🙂

      إعجاب

  6. ان شالله دوم مبسوطة وفرحانة
    ولو ياقلبي الشغلة سهلة وحبيت اساعدك مساله التوقيت والترجمة شغلة موسهله
    اهم حاجة ركزي على امتحاناتك وانتي مرتاحة
    واي مساعدة انا موجودة بالتوفيق يالقمر
    🙂

    Liked by 1 person

  7. شكــــــــــــــــــــراعلى ترجمه مسلسل الجميل Smiling Pasta
    مرررررررررررررررررررررررررررررررررررررررررررره مسلسل يهبل وحمااااااااااااااااااااااااااااااااااااااااس في الانتظار حلقه 9 و 10 و 11 و12 ………
    كلها
    بالتوفيق في الاختبارات !!!
    يااااااارب يسهل عليك ………

    إعجاب

  8. ممكن تجاوبيني على السؤال اللي راح اقوله !!!
    ابا اسألك اذا التايوانيين يتكلمون اللغه الصينيه اولا ……وشكرا
    اتمنى ادخل المدونه والقى ردك

    إعجاب

    • خلصت الغالية ^_^
      إن شاء الله اليوم بس أرجع من الجامعة أكمل رفعها وأنزلها على طول 🙂
      أنا بكون في البيت على الساعة 4 تقريباً يعني تقدرين تقولين إن شاء الله عند المغرب بإذن الله الواحد الأحد أكون مخلصة رفع الحلقة ^_^
      مشكورة على دعواتج 🙂

      إعجاب

  9. الله يعيييينـــك حبيبتي ع الدوام والتعب
    اوووهـ صدق ما يستحي اللي بلغ الله يهدييه
    يلا الله يوفقك بدراستك وتنجحين باعلى الدرجات ^_^
    ونحن منتظرينك ..!

    إعجاب

  10. مشكووووورة اختي على العيدية الخنفشارية
    المسلسل حلوووو وقصته جنااااان
    ننتظر اخر 3 حلقات على نار
    شي شي

    إعجاب

  11. السلام عليكم . .
    لو بغيت أتواصل معاج كيف أقدر أتواصل معاج..؟
    عشان عندي دراما تايوانية ببدأ بترجمتها وبغيت اسأل إذا حابه تشتركين معاي بترجمتها ^^

    إعجاب

  12. واااااااااو
    اححححححلى عيدية هههههههههههه
    والله انا وقفت متابعة لان جهازي فل وما اقدر احمل
    بس الحين الحمدلله رجعنا للمبااشر ^_^
    يعطيكي الف عاااافية ي عسل ع المجهود عساك ِ ع القوووة :*

    إعجاب

  13. أهليــن حبوبة =)

    يعطيكـ العآفيـه ع الحلقآت وآنآ من متآبعين مدونتك وآيد
    وشكـرآ ع الحلقة بإنتظآر الباقي منهآآ وإن شاء الله تختمينهآ يآرب =)

    ^^

    إعجاب

  14. الله يعطيك العافية
    حبوبة تكفييين ارفعيهم مباشر حلقة 14 و 16 و17
    عشان اقدر اشوفهم لان جهازي ملياان ما يستوعب التحميل 😥
    والله من زماان ودي اكمل وكل مرة ادخل على امل تكوني رفعتيهم 😥

    بالتوفيـق ،،

    إعجاب

    • مانسيت الموضوع ومازلت أحاول
      بس الموقع متعبني شوي في الرفع + النت ما أدري بالضبط شفيه 😦
      لكن الحين رفعت 15 << أدري المفروض تكون 14, بس هالحلقة رفعتها للحين 4 مرات ونفس الشي
      لكن إكتشفت شي فيها بحاول أعيد إنتاجها وأرفعها من جديد
      إن شاء الله ما أتأخر عليكم أكثر 🙂

      إعجاب

  15. طلبتك دراما بلاك اند وايت راح ترفعيها ؟
    لاني بالمررة متحمسة عليها
    ومابقى موقع مافتحته عشان ابحث عنها بس للاسف ماحصلت ولا شي ><
    وكماسميدا حبي
    فايتنغ وربي يكون بعونك

    إعجاب

  16. أنا اول مره أدخل المدونة وعن جد مجهودك رائع
    بس اونى كان ودى تشرحيلى شى اللى فى أول جزئية اللى هو ” ياليت اللي محملها مباشر يساعد بالسيد ” مافهمت ايش تقصدى ؟ بليز ممكن تشرحى اونى

    إعجاب

    • شكراً 😀
      والحمد لله إن المدونة عجبتج ^_^
      أقصد إن اللي محمل المسلسل من الروابط المباشرة من أول يساعدني بسيد التورنت ^_^

      إعجاب

اترك رداً حتى لو كان شكراً

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s